Ministri i Drejtësisë, Hajredin Kuçi, nuk ka pranuar ta komentoj sulmin me ve ndaj ti që e kryen aktivistët e Lëvizjes Vetëvendosje.
“Nuk e komentoj”, u përgjigj Kuçi për “Zëri”.
Vetëvendosje gjuan me vezë Hajredin Kuçin
Një video që ka siguruar “zeri.info, shihet se si gjatë ditës së sotme aktivistë të Lëvizjes Vetëvendosje kanë sulmuar me vezë Ministrin e Drejtësisë, Hajredin Kuçin.
Në një video të siguruar nga gazeta “Zëri”, ministri Kuçi shihet të qëllohet me vezë derisa po ecte në një rrugicë në kryeqytet.
Ky është reagimi i VV-së pas sulmit me vezë ndaj ministrit Kuçi:
Vezë edhe për Hajredin Kuçin
Nuk mund të ketë rehati për një pushtet që e ka sjellë vendin në një gjendje të mjerë. Nuk mund të rrijmë duarkryq përballë kërcënimit për ndarje etnike të vendit tonë dhe përballë faljes së territoreve të Kosovës.
Nuk mund të bëhemi indiferent karshi sistemit të kapur të drejtësisë, i cili përndjekë deputetët opozitar ndërsa bashkëpunon me krimin e me korrupsionin.
Hajredin Kuçi e drejton Ministrinë e Drejtësisë. Ai përveç që është ministër në një qeveri që po na e sjell “Zajednicën” dhe po i fal territoret, është përgjegjës kryesor për sistemin e rrënuar të drejtësisë Kosovare.
Subjektet opozitare janë të vendosura dhe nuk do t’i ndalin aksionet e tyre pa u tërhequr marrëveshjet me Serbinë dhe demarkacioni me Malin e Zi.
