Kryeministri Rama i ka bërë të qartë opozitës se opsioni për djegien e mandateve dhe bojkotit do ishte një lëvizje e gabuar, pasi pushteti nuk merret permes kesaj menyre.
I pyetur nga gazetarët se a është gati të a eshte gati të negociojë me opozitën, apo 18 maji ka vdekur, Rama deklaroi se i ka shtrirë vazhdimisht dorën për dialog PD-së.
“Kam dëshmitarë të gjithë ju që qysh në momentin kur lindi nevoja për të adresuar cështjen e përfundimit të mandatit të prokurorit të përgjithshëm i kam kërkuar në mënyrë të përsëritur kreut të PD-së që të dialogojmë dhe ta shfrytëzojmë këtë dokument për të gjetur një zgjidhje të përbashkët lidhur me prokurorin por dhe një pakt për Europën dhe përgjigjet kanë qenë heroike, refuzuese, të pakuptueshme.
Në çdo hap do bëj përpjekje për të dialoguar me kryetarin e PD-së dhe PS do të jetë e gatshme për të dialoguar. Opozita është ajo që kemi jo ajo që duam. Na pëlqen s’na pëlqen, është e aftë ka vizion ose jo, mund ti themi por në fund të ditës është opozita që kanë zgjedhur njerëzit.
Është detyrë e shumicës të shtrijë dorën për dialog dhe mirëkuptim, i ka apo si ka votat. ne do ta bëjmë në vazhdimësi, por sigurisht do vazhdojmë të udhëheqemi dhe do marrim vendime, nuk do të mbetemi peng i taktikave të PD-së
Nuk merret pushteti me bojkote, djegie mandate apo marrëdhënie të kushtëzuara. Nuk ndryshohet qeveria me bojkote. Ne nuk e kemi kërkuar kurrë këtë gjë dhe natyrisht ne nuk do ta presim siç nuk e kemi pritur me prokurorin, nëse nuk e shfrytëzon kohën për dialog, dhe që e përcakton legjislacioni. Nëse opozita nuk e shfrytëzon kohën është përgjegjësi e opozitës. Dialogu gjendet në tavolinë. Ulja në tavolinë është detyrë parësore”
javanews.al/a.ç
