Ish-kryetari i LSI, Ilir Meta, vijoi sulmet ndaj Ramës dhe Bashës përmes mesazheve ‘të koduara’. Presidenti i zgjedhur i angazhuar në fushatën e LSI-së, u shpreh i sigurt se kjo parti do të provohet në qeverisje, pas provave që ka dhënë sipas tij për stabilitetin dhe integrimin.
“Këto lloj presionesh qe LSI nuk i ha, se nuk i ka ngrenë nga Sali Berisha njëherë e një kohe, jo ti haje nga Tomi e Xherri sot, nuk shkojnë. Ju e dini shume mire qe çdo demokrat, për kryeministër, midis Edi Ramës dhe Petrit Vasilit, do votonte Petrit Vasilin. Ju e dini gjithashtu që, çdo socialist, midis Lulzim Bashës dhe Petrit Vasilit, do të votonte përsëri Petrit Vasilin për kryeministër. Kështu qe mesa duket, unë pata jo vetëm mundësinë te jem Presidenti i parë i propozuar nga LSI, por ja që qëllojnë dy gëzime bashkë, do kem mundësinë që një nga dekretet e pare që do kem, do te jetë të firmos Petrit Vasilin kryeministër”, deklaroi Meta.
Ndërkohë, Luan Rama prezantoi kandidatët për deputet të LSI-së për qarkun e Shkodrës, ku kërkoi votën për numrin 1 në fletën e votimit.
“Ne vijmë që të marrim besën tuaj për shërbim të pushtetit ndaj qytetarëve, për një qeverisje me drejtim të ri që qytetarin e ka të parin dhe interesin e tij mbi ço interes tjetër. Prandaj në 25 qershor duhet votuar numri 1 në fletën e votimit që është LSI. Fitorja e Lëvizjes Socialiste për Integrim është fitore, është shans për të gjithë. Edhe për socialistët, edhe për demokratët, edhe për ata pa parti, sepse Lëvizja Socialiste për Integrim është forca politike e rinisë, është themeli i bazamentit të institucioneve demokratike në Shqipërisë, është vetë stabilitetit dhe e ardhmja evropiane Shqipërisë”, deklaroi Rama./a.m.
