Rreth 100 të burgosur në burgun e Reçit, janë futur në grevë urie. Mësohet se ata kanë refuzuar ushqimin për shkak të moslejimit të familjarëve dhe pezullimit të lejeve.
Masa të tilla janë vendosur që prej nisjes së situatës së pandemisë. Burime bëjnë me dije se ata kërkojnë që të hiqen këto masa sigurie, ndërkohë që po vijojnë grevën e urisë e nisur para dy ditëve.
Dy ditë më parë, të burgosurit i nisën edhe një letër gazetares së Top Channel, Anila Hoxha, ku kërkonin trajtim human.
Ndërkohë, në grevë urie janë edhe 170 të burgosur të burgut të Peqinit. Këta të fundit kërkojnë amnisti dhe rishikim të dënimeve. Ata kërkojnë që dënimet e tyre të përgjysmohen dhe dënimet përjetë të konvertohen në 20 vite.
g.kosovari
