Pas Cunamit të vitit 2011, kur qindra persona humbën jetën në Japoni, historia e një burri, i moshës 56 vjeçare, ka tërhequr vëmendjen e New York Times, për një arsye shumëtë thjeshtë.
Yasuo Takamatsu humbi gruan e tij Yuko, dhe pavarësisht se kanë kaluar 5 vite, ai vijon ende të kërkojë trupin e saj.
New York Times Magazine i kushton një artikull të gjatë këtij rasti të veçantë.
Në dy vitet e para, kërkimet e Takamatsu-s u shtrinë në tokë në plazhet e Onagavës aty ku humbi gruaja e tij, por pa sukses… derisa vendosi që në shtator të 2013, t’i drejtohet detit, me shpresën për të gjetur trupin e gruas atje.
Madje për këtë 56 vjeçari nisi të kryejë një kurs për zhytje, për të mësuar sesi të kërkojë në det. Për këtë çështje i erdhi në ndihmë pronari i një dyqani për pajime zhytjeje, Takahashi, i cili vetë kryente misione, pasi kishte patur sukses në gjetjen e trupave të mbytur.
Dashuria dhe moshumbja e shpresës së 56 vjeçarit, u bë shembull edhe për të tjerë persona. Gruaja e Yasuo Takamatsu, Yuko, ishte punonjëse banke dhe pavarësisht se ata ishin paralajmëruar për Cunamin dhe kishin hipur në tarracë, vala e ujit i kishte marrë me vete. Masaaki Narita, një tjetër burrë në të 50-tat kishte humbur vajzën e tij 26 vjeçare, pikërisht në atë taracë ku uji i kishte marrë jetën Yuko-s. Narita, i ndihmuar nga Takamatsu nisi kërkimet në ujë për të gjetur vajzën e tij në vitin 2014./javanews/a.k
Shkrimin e plotë mund ta lexoni në New York Times mag, KËTU
