Nëna e 9-vjeçares, e cila mendohet se është abuzuar seksualisht nga një 73-vjeçar që është fqinj i tyre, mohon kategorikisht se vajza është prekur në vende intime, ashtu siç ka deklaruar i moshuari në polici. Nëna e vajzës thotë se ka qenë në dijeni se 73-vjeçari ka tentuar edhe më herët të abuzojë me vajzën, por nuk kishte denoncuar pasi kishte frikë të ndonjë konfilkti mes burrit dhe familjarëve të të moshuarit.
“I druhesha një konflikti mes burrit dhe familjarëve të tyre, për këtë arsye nuk e bëra denoncimin më parë. Me sa pashë unë kishte shenja nga mbrapa. Thërras vajzën, me çfarë pashë edhe në lajmë në gazeta, një akt i turpshëm për vazjën timë, për atë moshë. Nuk ma nxë goja ta them. Thërras vajzën dhe e pyes çfarë të tha bashkëshorti? Ajo u tremb. Kur thërrita vajzën edhe ai u tremb.
Edhe ai duhet të mos vazhdonte më. Kur e thërrita vajzën të më tregojë, mund ta imagjinoni vetë ç’më tha. Vajzën nuk ma ka dhunuar. Ajo që ka dalë në media në gazeta është e pavërtetë. Ai nuk e ka prekur ne vende intime. Thjesht e ngacmonte me fjalë dhe ka tentuar ti afrohet. Ka bërë gjeste. Nuk e kam filmuar dot se telefoni nuk e mundësonte. Të kisha telefonin tjetër ai nuk vazhdonte dot më pastaj.
Kërkoj të vihet drejtësia në vend. Mart zoti hak lart, për atë fëmijë që ma shkatërrojë nga shkolla. Ai bënte shenja, por jo ta prekte në vende intime. Nuk e kuptoj pse ka deklaruar se kishim dëshirë të dy. Unë vajzën e kam të pastër dhe unë s’e kam bërë denoncimin se ai ka prekur vajzën, por sepse ka bërë gjeste. Më herët besoja se nuk do ta bënte më’, shprehet e ëma e vajzës.
Në prononcimin për mediat nëna tregon edhe vendet afër shtëpisë ku 73-vjeçari, tashmë i arrestuar, tentonte të abuzonte me vogëlushen. /e.s/
