Kapiteni Manuel Nojer pranon se Gjermania nuk meritonte më shumë nga ajo që mori në Rusi.
“Thjesht nuk e meritonim. Në të tria ndeshjet nuk kishte një kombëtare gjermane në fushë, për të cilën njerëzit duhet të kishin respekt. Edhe po të ishim kualifikuar, çdo kundërshtar do të ishte i lumtur po të luante kundër nesh. Si do të ishim ne të rrezikshëm për kundërshtarin me një paraqitje të tillë? Nuk e kam përjetuar kurrë diçka të tillë”, tha portieri. “Të gjitha skuadrat prisnin vetëm gabimin tonë dhe e dinin që ato do vinin.
Kjo nuk kishte ndodhur kurrë në turnetë e mëparshëm. Lejuam aq kundërsulme në këtë raund sa gjatë gjithë turneut. Dhamë një shembull shumë të keq. Ishim patetikë. I marrim të gjitha përgjegjësitë. U përpoqa t’i motivoj lojtarët në dhomën e zhveshjes, stërvitje dhe fushë, por natyrisht që jam edhe unë përgjegjës për këtë eliminim”, shtoi 32-vjeçari.
MYLER – Tomas Myler është nga ata që nuk i mbajti dot lotët pas eliminimit. “Jemi tmerrësisht të zhgënjyer. Jemi të pafuqishëm kundër çdo argumenti kundër nesh. Shënuam vetëm një gol. Kjo është e hidhur. Unë nuk shënova asnjë gol që u kërkua nga të gjithë, por për këtë unë kam tjetër opinion. Por, duke qenë se nuk jam në pozicion tani për të folur shumë, nuk do ta hap gojën. Jemi të gjithë në varkën e humbësve”.
ma/me
