Seanca e sotme plenare ka nisur e qetë, megjithëse parashikohet që të ketë debate të ashpra mes paleve.
Ndryshe nga seancat e kaluara opozita ka lejuar raportimin vjetor të institucioneve.
Megjithatë pritet që pas raportimeve, seanca të përfshihet nga debate të forta për dy çështje; vendimi i BE për çeljen e negociatave në 2019 dhe kapja e 3.4 milionë eurove në Durrës.
Kryetari i grupit të PS, Taulant Balla ka paralajmëruar surpriza për Bashën në këtë seancë. Pas akuzave të kreut të PD se Balla doli garant i eurove për një bandë droge, deputeti socialist deklaroi se nuk ka lidhje me këtë çështje .
Balla sfidoi liderin demokrat se nëse vërteton akuzat do lërë mandatin e deputetit dhe do përballet me drejtësinë.
Pritet me interes se çfarë faktesh do nxjerrë Balla, që sipas tij implikojnë Bashën.
Javanews.al/a.ç
