Akademia Nobel ka ndarë sot Çmimin Nobel për Ekonomi për dy studiuesit, Paul Milgrom dhe Robert Wilson.
Dy ekonomistët kanë studiuar ankandet, se si funksionojnë ato dhe kanë përdorur njohuritë e tyre për të hartuar formate të reja ankandi për mallra dhe shërbime që janë të vështira për t’u shitur në një mënyrë tradicionale, siç janë radio frekuencat.
“Nga zbulimet e tyre kanë përfituar shitësit, blerësit dhe taksapaguesit në të gjithë botën”, thuhet në njoftimin e akademisë.
Duke përdorur teorinë e ankandit, studiuesit përpiqen të kuptojnë rezultatet e rregullave të ndryshme për ofertat dhe çmimet përfundimtare, formatin e ankandit. Analiza është e vështirë, sepse ofertuesit sillen në mënyrë strategjike, bazuar në informacionin e disponueshëm.
Robert Wilson zhvilloi teorinë për ankandet e objekteve me një vlerë të përbashkët, ndërsa Wilson tregoi pse ofertuesit racionalë priren të vendosin oferta nën vlerësimin e tyre më të mirë të vlerës së përbashkët.
“Laureatët e këtij viti në Shkencat Ekonomike filluan me teori themelore dhe më vonë përdorën rezultatet e tyre në zbatime praktike, të cilat janë përhapur globalisht. Zbulimet e tyre janë me përfitim të madh për shoqërinë”, thotë Peter Fredriksson, kryetari i Komitetit të Çmimev
/a.r
