Akademia suedeze, ende nuk e ka treguar datën se kur do të ndahet Nobeli për Letërsi. Është bërë traditë që këto çmime të ndahen në mesin e tetorit kështu që mendohet të jetë data 15 tetor ose java që pason pas kësaj date.
Ndërkohë zëdhënësit e Akademisë së çmimit Nobel kanë dhënë vetëm numrin e kandidatëve të propozuar për çmimin Nobel. Janë 259 emra të propozuar nga shtëpitë botuese dhe sipas zëdhënësit të Akademisë, por nga ky numër tani është mbërritur në një listë më të ngushtë, nga e cila do të zgjidhet edhe fituesi.
Ismail Kadare, shkrimtari shqiptar me famë botërore, i cili disa vite me radhë favorizohej për çmimin në krye të listës, sivjet është më i spostuar në listë. Ndërsa vitin e kaluar Ismail Kadare printe në krye të listës me Haruki Murakamin, shkrimtarin japonez. Ndërkohë vetë Murakami mbetet ende në krye të listës. Murakami vlerësohet shumë nga kritika për veprat si “Pylli norvegjez” apo “E dashura ime Sputnik” dhe mbetet një nga emrat më favorite për Nobelin.
Një nga emrat e tjerë që janë në listën e ngushtë për Nobel është shkrimtarja dhe gazetarja Svetlana Alexievich nga Bjellorusia.
Çmimet Nobel, jo gjithmonë janë përputhur me renditjen në krye të listës së kandidatëve, ai gjithmonë ka ofruar supriza kundrejt parashikimeve. Philip Roth nuk ka se si të mungojë në këtë listë. Shkrimtari sirian Adunis, po ashtu gjendet në këtë listë.
Vitin e kaluar çmimin Nobel për Letërsi e mori Patrick Modiano, shkrimtari francez. (InfoKult)
