Ushtria amerikane ka mjaft shembuj kur pjesë e saj janë bërë vëllezër, por kësaj herë kemi një rast tjetër.
Është rasti i dy motrave Gjenerale, Maria Barrett dhe motrës më të vogël të saj, Paula Lodi.
Si fillim ato hasën pak vështirësi në identifikimin e tyre si motra për shkak të ndërrimit të mbiemrit, pasi ishin martuar.
Ushtrisë do t’i duhej ti shikonte ato të ndara, madje edhe të bënin krahasime nëse ishin apo jo motra.
“Meqenëse nuk ka pasur shumë gra gjenerale, është një bast i sigurt që ato janë të parat,” tha një zëdhënës i ushtrisë.
Historia e futjes në Ushtri
Ushtria nuk pranonte gra në radhët e saj, derisa u krijua Korpusi i Infermierisë i Ushtrisë, në 1901.
Gjeneralia Major Barrett është Komandantja e Përgjithshme e NETCOM. Ajo u diplomua në Universitetin “Tufts” me një diplomë Bachelor të Arteve në Marrëdhëniet Ndërkombëtare.
Motra e saj më e vogël, Gjeneralja Paula Lodi u promovua në korrik dhe është Zëvendës Shefja e Shtabit për Operacione në Zyrën e Kirurgut të Përgjithshëm. Ajo ka mundur të marrë diplomën e nderit të Kolegjit të Luftës Detare dhe ka diplomë masteri në administratën publike, artet ushtarake dhe shkencën, si dhe sigurinë kombëtare e studimet strategjike.
Motrat u rritën në Franklin, Massachusetts, pak jashtë Bostonit. Ato nuk kanë shumë diferencë moshe. Kanë luajtur edhe futboll së bashku në të njëjtin ekip në shkollën e mesme.
Gjeneralja Lodi gjithmonë ka dëshiruar të ishte një ushtare. Kurse për Gjeneralen Major Barrett shërbimi në ushtri ishte pothuajse i rastësishëm.
Motrat gjenerale mund të kenë edhe momente të tjera historike shkruan CNN.
Kjo sepse Lodi është nënë e dy vajzave. Një zëdhënës i Ushtrisë ka thënë se “Lodi e drejtoi njërën prej tyre në trajnimin bazë të Ushtrisë.”(ora)/l.m
