Një grua, e cila u bë virale pasi u urdhërua që të dilte nga Winter Wonderland për shkak të veshjes së papërshtatshme, ka zbuluar së fundmi se familja e saj nuk i flet për shkak të karrierës së saj të guximshme.
“Daily Star” shkruan se Lowri Rose u rrit në një shtëpi të krishterë të devotshme. Madje Kisha e saj lokale e largoi atë pasi ajo filloi të pozonte lakuriq.
“Kisha njerëz nga Kisha që më ndiqnin në rrjetet sociale për një kohë dhe u kisha kërkuar të më hiqnin ndjekjen sepse thjesht nuk më pëlqente që ata të shikonin gjërat e mia”, tha ish-studentja e drejtësisë për “Daily Star”.
E reja, e cila gjithashtu ka disa tatuazhe të gdhendura në trupin e saj, ka treguar se sa herë shkonte të vizitonte familjen, ata donin që ajo të shkonte në Kishë.
“Kur u bëra pjesë e “OnlyFans” ata filluan të më largoheshin. Më pas mora një telefonatë duke thënë se nuk donin të më shihnin më. Sapo e mbylla telefonin. Nuk ishte nëna ime, ishte njerku im. Pas kësaj unë thjesht i bllokova”, ka treguar ajo.
Rose ka shtuar se në fillim ka qenë një ‘tronditje e madhe’ dhe ka qarë shumë.
“Por sa më shumë që kalonte koha, aq më shumë ndjeja se kisha lirinë time dhe mund të bëja zgjedhjet e mia. Nuk më duhej të bëja një jetë të dyfishtë. Unë mund të isha vetvetja. Unë kam qenë gjithmonë mjaft e kujdesshme me atë që postoja në internet dhe më pas nuk e kisha më atë problem dhe pastaj mund të postoja sa herë të doja”, ka rrëfyer 23-vjeçarja, e cila ka 2 vite që nuk shkon në Kishë.
