Presidenti Ilir Meta ka reaguar për herë të parë në lidhje me zgjedhjen e Sali Berishës si kryetar i Partisë Demokratike.
Në një prononcim për mediat, gjatë një vizite në Komunën Junik, kreu i shtetit shqiptar tha se në demokraci duhet të respektohet vota.
Nje vleresim i procesit nga Meta, dhe nuk kishte si ndodhte ndryshe: Jane njerez ne te njejtin hall!
Pyetje: Zoti President si e vlerësoni progresin e bërë nga shteti i Kosovës dhe a keni një koment për aplikimin në KiE?
Presidenti Meta: Kosova është tashmë një vend shumë solid dhe demokratik, është një shembull i zgjedhjeve të lira dhe të ndershme, një shembull i respektimit të të drejtave të njeriut, një shembull i respektimit të të drejtave të pakicave.
Është një vend model që kontribuon për paqen dhe stabilitetin në rajonin tonë, dhe padyshim që është edhe për sa u takon këtyre standardeve, që është prej kohësh anëtarë e Këshillit të Europës.
Kështu që është një aplikim që meriton mbështetjen e të gjithëve, që i shërben afirmimit të vlerave europiane të të gjithë rajonit tonë, dhe nuk i shërben vetëm Kosovës.
Pyetje: Zoti President, si e vlerësoni zgjedhjen e zotit Sali Berisha Kryetar të Partisë Demokratike?
Presidenti Meta: Në demokraci duhet të respektohet vota dhe vullneti i qytetarëve!/m.j
