Kryeministri Edi Rama ka mbërritur pasditen e sotme në bashkinë e Fierit për një takim me drejtuesit vendorë lidhur me iniciativën e ditëve të fundit nga qeveria për lirimin e hapësirave publike.
Rama është parë i shoqëruar teksa hynte në godinën e bashkiës së Fierit, nga kryetari i kësaj bashkie Armando Subashi dhe zv.kryeministrja Belinda Balluku, e cila është dhe drejtuese politike e PS në qarkun Fier.
Vizita vjen në kuadër të iniciativës kombëtare për lirimin dhe sistemimin e hapësirave publike të zëna në mënyrë të paligjshme. Rama ka ndjekur nga afër aksionet e nisura më herët edhe në Vlorë.
Gjatë takimit pritet të diskutohen masat konkrete për punën në qytet. Kryeministri ka theksuar rëndësinë e bashkëpunimit me pushtetin vendor për këtë proces. Aksioni pritet të vijojë në disa qytete të tjera të vendit në javët në vijim.
