Koçi Tahiri kreu i Partisë Demokracia e Re, aleat i Lulzim Bashës në zgjedhjet e vitit 2017 ka pranuar të marrë mandatin e deputetit. Në moshën 70 vjeçare, Tahiri merr detyrën e ligjvënësit. Në një prononcim për mediat Tahiri shprehet se nuk e sheh veten si tradhtar pasi mandati është vullnet i votuesve të forcës politike që përfaqëson.
“Kam pranuar të marrë mandatin si vullnet i votuesve të mi. Nuk e shoh veten si tradhtar dhe nuk jam kundër PD. Ndryshe nga PD, e mendojmë se ne duhet të jemi në parlament pasi aty mund të zhvillojmë beteja”, tha Tahiri.
Në parlament Tahiri deklaron se nuk do të bëjë koalicion me mazhorancën, por do të jetë gjithmonë opozitë, duke krijuar dhe një grup të ri parlamentar.
“Në parlament do të krijojë një grup të ri parlamentar, bëhemi 7 deputetë dhe nuk do të jemi me asnjë grup parlamentar dhe pse janë grupe opozitare të reja. Jemi në parlament për të mbrojtur interesat e opozitës dhe nuk do të bëjmë asnjë aleancë me mazhorancën aktuale. Do të jemi gjithmonë opozitë”, u shpreh Koçi Tahiri.
/a.meta
