Vermonti mund të bëhet shteti i parë në SHBA që legalizon marijuanën nëpërmjet legjislacionit dhe jo nëpërmjet votuesve, një lëvizje që avokatët e drogës thonë se mund shpejtojë pranimin e saj në të gjithë vendin.
Përfaqësuesit e shtetit me prirje liberale këtë muaj janë të vendosur të kalojnë një ligj të miratuar nga Senati në shkurt e që do të lejojë të rriturit mbi 21 vjeç të blejnë dhe të tymosin drogë duke filluar nga 2018-a.
Lëvizja erdhi pas një viti dëgjesash në Senat, që ligjvënësit thonë se i lejoi ata që të vlerësonin kufijtë e përshtatshëm të përdorimit të drogës.
Propozimi aktual do të ndalojë përdoruesit të rrisin bimë në shtëpi dhe të shesin produkte që kanë në përbërje marijuanë.
Por ligjvënësit duhet të veprojnë para fundit të majit, kur përfundon ky sesion parlamentar, një afat që mund të jetë i vështirë për t’u arritur.
Është e paqartë nëse projektligji ka mbështetjen e Shtëpisë së Bardhë, të kontrolluar nga demokratët.
Ligji do të vendosë 25 për qind taksë mbi shitjen e drogës, e cila do të financojë programe për zbatimin e ligjit të drogës.
Katër shtete – Kolorado, Uashingtoni, Oregoni dhe Alaska, si dhe Distrikti i Kolumbias e kanë legalizuar marijuanën me votë dhe votuesit në katër shtete, përfshirë Masaçusetsin fqinj, pritet të shprehen mbi legalizimin në muajin nëntor.
Droga vazhdon të mbetet e paligjshme sipas ligjit federal amerikan.
