Një ngjarje e rëndë, e denjë për një skenar filmi, ka ndodhur në Gjermani ku i përfshirë ka qenë dhe një shqiptar.
Mësohet se një vajzë 23-vjeçare gjermano-irakene kishte kërkuar një ‘sozi’ të sajën në rrjetet sociale dhe pasi e gjeti e kishte vrarë, me qëllim të inskenonte vdekjen e saj.
Trupi i mbuluar me gjak i të resë ishte gjetur në një makinë Mercedes të parkuar në Ingolstadt, në jug të Gjermanisë, dhe u identifikua fillimisht si Sharaban K, një estetiste 23-vjeçare që banonte në Munich, me origjinë nga Iraku.
Megjithse disa anëtarë të familjes Sharaban K e identifikuan trupin, autopsia ngrinte dyshime mbi identitetin e saj. Rrjedhimisht viktima u emërua si Khadidja O, një komentatore e njohur estetike në rrjet, që banonte në Heilbronn, në shtetin fqinjë të Baden-Württemberg, gjithashtu 23 vjeçare./m.j
