Ish-deputeti Halit Valteri ndërsa ka qenë i ftuar në “Zona Zero”, ka deklaruar se shumë politikanë së shpejti do të japin llogari për vjedhjet që kanë kryer nga pasuria e shtetit dhe e shqiptarëve.
Valteri tregoi se së shpejti edhe kreu i PL, Ilir Meta do të japë llogari për 1.2 milionë dollarë që janë derdhur në llogari në SHBA, pasi sipas tij ky politikan nuk ka ndonjë gjel “që i pjellë flori”.
Pjesë nga biseda:
“Di që kanë ardhur letër-porosi nga SHBA për lobimet dhe një nga dosjet që do të ketë zgjidhje para shtatorit do të jetë dërgimi para drejtësisë i personave që kanë harxhuar para të shqiptarëve. Se nuk kanë pasur as Ilir Meta, as Monika Kryemadhi, as Tit Vasili, flas për dosjen që kam lobuar unë, ndonje gjel qe te pjelle flori.
Janë 1.2 milionë dollarë, që janë deklaruar në SHBA që janë paguar nga ky subjekt politikë, janë paguar taksa për ato 1.2 milionë dollarë. Të japin llogari, të japin përgjigje se ku i kanë marrë, se ndoshta Ilir Metës i pjell gjeli vezë, po nëse i pjell flori le të tregojë”, tha ish-deputeti Halit Valteri.
