Një pikturë që mund të jetë e mjeshtrit italian Caravaggio, dhe që ka vlerën e 135 milionë dollarëve, është gjetur në papafingu të një shtëpie në jug të Francës
BBC shkruan se piktura është gjetur në Tulluzë para dy viteve dhe se i është kaluar ekspertit të artit, Eric Turquin, i cilit thotë se piktura është një variant i veprës së vitit 1599, “Judith Beheading Holofernes” (Judith duke ia hequr kokën Holofernesit), transmeton Gazeta Express.
Piktura u zbulua nga pronarët përderisa po e hetonin rrjedhjen e një çatie, sipas tij.
Vepra, e cila paraqet heroinën biblike Judith duke ia hequr kokën një gjenerali asirian, mendohet se ishte zhdukur para rreth 100 viteve pasi që ishte pikturuar. Një variant tjetër i tij, i cili po ashtu mendohet se ishte humbur para zbulimit të tij në vitin 1950, rri varur në Galerinë Kombetare të Artit të Lashtë, në Romë.Ekspertet në muzeun e Parisit “Louvre”, po e ekzaminojnë veprën në mënyrë që ta gjejnë krijuesin e saj, edhe pse Turquin thotë se kurrë nuk mund të ekzistojë një njëmendësi për atë se kush e ka pikturuar atë.
Nëse del që është e mirëfilltë, mundësinë e parë për ta blerë atë do ta këtë qeveria franceze.
