Një përqafim 4 mijë vjeçar
Kanë qëndruar të përqafuar në varr për më shumë se 4 mijë vjet, derisa u zbuluan. Dy skelete, i nënës dhe të birit, janë varrosur të përqafuar dhe kanë qëndruar ashtu për 40 shekuj. Zbulimi është bërë në provincën kineze të Qinghai. Studiuesit supozojnë se nëna ka kërkuar të mbrojë të birin nga një tërmet që goditi atë zonë 2 mijë vjet para Krishtit.
Skeletet u gjendën në Lajia, një sit arkeologjik i zbuluar 15 vjet më parë dhe që është konsideruar si “Pompeu i Lindjes”. Ky vend pësoi një tërmet të fuqishëm që u pasua më pas nga një përmbytje masive e Lumit të Verdhë.
