Janë mbi 3 milionë vdekjet globale të lidhura me abuzimin me alkoolin, ku pjesa më e madhe janë burra. Sipas raportit të OBSH-së. Evropianët janë konsumuesit më të shumtë, ndërsa te të rinjtë dëmet janë shumë më të rënda.Mbi 5% e vdekjeve vjetore globale lidhen me konsumimin e tepërt të alkoolit. Janë këto të dhënat raportit të Organizatës Botërore e Shëndetësisë, e cila raporton çdo katër vjet mbi ndikimin e kësaj substance në shëndetin publik. Abuzimi me alkoolin dhe pasojat që sjell ai janë përgjegjës për 3 milionë vdekje çdo vit, nga të cilat 2.3 milionë janë burra dhe rreth 29% e vdekjeve janë të lidhura me ngjarje traumatike, si aksidentet ose vetëvrasjet.Janë të rinjtë ata që paguajnë çmimin më të lartë. Nëse në rang global 7,2% e vdekjeve të parakohshme janë nga alkooli, 13,5% e vdekjeve mes 20 vjeçarëve varet nga konsumi i alkoolit, shkruan “abcnews”.
Më shumë se një e katërta (27%) e adoleshentëve midis moshave 15 dhe 19 vjeç konsumojnë rregullisht, por ndikimi në aspektin e vdekshmërisë në këtë brez të popullsisë nuk është marrë parasysh në studim. Kohët e fundit është treguar se pirja e duhanit dhe alkooli fillojnë të dëmtojnë arteriet që në adoleshencë, por që në këtë fazë dëmi është ende i kthyeshëm.
Ku pihet më shumë. 237 milionë burra dhe 46 milionë gra në botë vuajnë nga sëmundjet e lidhura me alkoolin. Shumica e tyre është në Evropë dhe Amerikë. Megjithëse përqindja e vdekjeve është pakësuar, nga 5.9% në vitin 2012 në 5.3% në vitin 2016 (viti i shqyrtuar në raport), kjo është e papranueshme, çka tregon masat që zbatohen sot për të luftuar abuzimin janë të pamjaftueshme.
Mes shenjave të pakta pozitive është fakti se përqindja e pirjes është në rënie në shumë fusha. Në Kontinentin e Vjetër, i cili ka konsumin më të lartë për banor, sasia e alkoolit që ka marrë është zvogëluar në 10% që nga viti 2010. Pritet një rritje e konsumit gjatë 10 viteve të ardhshme, veçanërisht në Azinë Juglindore, në vendet e Paqësorit Perëndimor dhe në disa zona të Amerikës.
Sa dhe çfarë pi. Mesatarisht, konsumohen rreth 33 gramë alkool të pastër në ditë. 45% e alkoolit të konsumuar përbëhet nga superalkoolet, çuditërisht, birra dhe vera përbëjnë pak më shumë se 34% dhe pak më pak se 12%. Mendohet se mbi një e katërta e konsumit të alkoolit bie jashtë këtyre statistikave.
Siç mund të shihet edhe nga rezultatet e kundërta të studimeve mbi konsumimin e alkoolit, marrëdhënia midis alkoolit dhe shëndetit është komplekse dhe ende jo plotësisht e qartë.
Nëse për parandalimin e disa sëmundjeve, siç janë tumoret, do të ishte më mirë të mos konsumohej, për disa kushte në lidhje me shëndetin kardiovaskular duhet në sasi të moderuara (më pak se një gotë në ditë) shkaktojnë më pak dëme sesa mungesa totale. Por edhe në këtë pikë nuk ka uniformitet konsensusi. (b.an)
