Ministri brazilian i Transparencës, Fabiano Silveira paraqiti sot kërkesën për dorëheqje pas publikimit të një regjistrimi ku ai drejtonte kritika të drejtpërdrejta mbi procesin hetimor të nisur mbi skandalin e gjerë të korrupsionit “Petrobras”, referuar burimeve zyrtare.
Brenda një javë, Silveira është ministri i dytë në radhë, i detyruar të largohet nga qeveria e presidentit të përkohshëm të Brazilit, Michel Temer, në lidhje me operacionin antikorrupsion që po trondit muajt e fundit elitën politike dhe ekonomike të vendit.
Më 23 maj, ministri i Planifikimit, Romero Juca i regjistruar në listën “rezervë” të qeverisë mori detyrën për drejtimin e këtij institucioni vetëm 11 ditë më parë, por pas publikimit të një bisede ku ai po komentonte për konkluzionet e hetimit mbi skandalin Petrobas, ku ai ishte gjithashtu i përfshirë në këtë çështje. Një ditë më pas u bë e ditur për shkarkimin e tij.
(javanews.al /r.a)
