Fitorja e Luiza Gegës si dhe skuadra që do të përfaqësojë Shqipërinë në Lojërat Olimpike të Rio-s për këtë vit, u pritën në ambientet e Kryeministrisë.
Në mungesë të Kryeministrit Rama, ka qenën zvkryeministri Peleshi, i cili i ka kërkuar ndjesë Luiza Gegës për harresën 25 vjeçare, që shteti shqiptar i ka bërë sportit.
Ndërsa Ministrja e Arsimit Lindita Nikolla ka vlerësuar arritjen e Gegës pavarësisht kushteve në të cilat ajo është stërvitur.
Zvkryeministri Peleshi i dorëzoi atletes edhe medaljen e mirënjohjes së Kryeministrit.
“Siç kemi të gjithë shumë besim, një tjetër rekord do vazhdojë të thyhet edhe në Lojërat Olimpike. Luiza është e vetmja që në 5 vitet e fundit ka fituar 4 medalje ari, 3 argjendi dhe është shpallur nënkampione e Europianit. Luiza Gega është një shembull i forcës, sakrificës dhe vullnetit, edhe pse për 25 vjet më radhë, ne i kemi harruar talente dhe sportistë të tillë përmes neglizhencës dhe paaftësisë. Prandaj unë këtu kërkoj edhe ndjesë në emër të qeverisë për personazhe të tilla të lëna në harresë. Shtetit shqiptar i duhet shumë për t’u shlyer me këta kampionë”.- tha Peleshi.
“Sot është dita t’i themi të gjithë Luizës se jemi krenarë për ty! Meriton më shumë, jemi të vendosur për më shumë investime. MAS i ka akorduar atë që ligji parasheh për arritjet në sport, është shumë pak nga ajo që Luiza e të tjerë meritojnë. Luiza është flamurmbajtësja e flamurit tonë në lojërat në Rio”, tha Nikolla./java/a.k
