Nga Ardit Rada
Ilir Meta duket se e ka humbur qetësinë pasi ka parë në zyrën e tij të mbledhur bashkë anëtarët e SPAK gjatë ceremonisë së betimit. Për ta prishur të gjithë shijen e mirë të krjimit të kësaj strukture, ai ka zgjedhur që të reagojë për diçka të panatyrshme.
Përmes zyrës së tij, presidenti ka njoftuar se ka takuar ish-deputetin demokrat Ervin Salianji. Madje është kujdesur ta përcjellë njoftimin edhe me foto nga takimi ku të dy shohin me përzemërsi njëri-tjetrin.
Nësë do ta thjeshtëzonim këtë karshillëk të Metës, titulli nuk është gjë tjetër veçse “Presidenti takon një të dënuar me burg”. Pra, nëse ky është një takim normal, në zyrën e Metës mund të shohim në vijim nga bandat e 97-ës e deri tek ndonjë i shpallur në kërkim që presidentit mund t’i lindë në zemër ta qerasë me çaj në zyrën e tij.
Zyrtarisht thuhet se Meta e ka këshilluar Salianjin që të mos e humbasë besimin. Nëse ky është një ngushëllim, ai mund t’i shkonte ish-deputetit në shtëpise osë në burg. Por nëse është një tentativë për të ndikuar në Apel, kjo është më e rëndë se mosdekretimi i një ministry, të bërë modë tashmë nga Presidenca.
Dhe në fakt nuk ka si të jetë ndryshe! Përderisa Ilir Meta e ka bërë publik takimin, nuk është thjesht një tregues shtesë se ai qëndron në krah të opozitës.
Ai është një presion i ish-nënkryetarit të KLD, pra Presidentit, ndaj drejtësisë dhe gjyqtarëve e prokurorëve që do merren me Salianjin në Apel.
Kur Presidenti thoshte se do të jetë me popullin në krah për të mbrojtur të drejtën, askush s’e ka besuar se bëhej fjalë për të mbrojtur çfarë mbetet nga PD. Por ja që ndodhi edhe kjo! Tani presim të mbledhë popullin.
Për Ervin Salianjin…
(JavaNews.al)
