Kryeministri Edi Rama, gjatë takimit me ambasadorët e huaj në vendin tonë iu ka rrëfyer atyre historinë e një kryebashkiaku të huaj që kërkonte makinë të blinduar dhe roje me pushkë për të vizituar Tiranën.
Rama e lidhi këtë shembull me sigurinë në Shqipëri, teksa tha se në vendin e kryebashkiakut të huaj ka dyfish më shumë vrasje. Si përfundim, kryebashkiaku i huaj i shprehu Ramës se ishte ndjerë mirë dhe i sigurtë gjatë vizitës pa masat që kishte kërkuar.
“Do tregoj një histori shumë domethënëse. Një mik kryetar bashkie në një qytet të huaj kërkonte roje me pushkë dhe makinë të blinduar për të vizituar Tiranën.
Natyrisht ne nuk ja mundësuam këto. Por vendi i tij kishte dyfish më shumë vrasje. Dhe në bisedën me të ai më tha se Shqipëria është një vend shumë i sigurtë dhe se do të rikthehej.
Kjo është Shqipëria dhe në këtë aspekt besoj se ka shumë për të bërë në rradhë të parë. Në këto 6 muaj koha është shumë e shkurtër për të pritur efektin e përgjithshëm’, tha Rama. /b.d
