Një grup të rinjsh nga Shqipëria kanë fituar një kontratë pune në Katar. Pak ditë parë nisjes së tyre drejt Katarit, të rinjtë kanë zhvilluar një takim me Ministrin Blendi Klosi.
Ai u shpreh se mundësia e punësimit jashtë vendit, bën të mundur që shumë të rinj të sjellin të ardhura dhe të hapin biznese në Shqipëri. Gjatë një takimi më të rinj të cilët pritet të udhëtojnë në Katar për një vend pune, Klosi theksoi se tregu shqiptar ka nevojë për profesionistë shkruan Shqiptarja. Ndërkohë drejtuesi i një prej grupeve më të mëdha të punësimit në Katar, u shpreh se punëtorët shqiptarë kanë më shumë dëshirë për punë. Sipas tij, kjo është edhe arsyeja që kompanitë e punësimit në Katar e kanë parë tregun shqiptar si një nga vendet që mund të sjellë më shumë punonjës.
Paga në Katar varjon nga 800 deri në 1500 dollarë për çdo punonjës. Punët që kryhen janë të ndryshme duke filluar nga ndërtimi, kamerier, recepsionist etj./a.m.
