Një grup minatoresh po vazhdojnë protestën pa afat deri në përgjigjen zyrtare nga Kryeministri se deri kur do të miratohet statusi i minatorëve.
Protesta nisi sot në mëngjes ku ishin të pranishëm mbi 300 minatorë. Drejtuesit e protestës shprehen se do të vazhdojnë revoltën e tyre.
Sot pasdite u rëndua gjendja e protestuesve ku 4 persona kanë përfunduar në spital.
Grupimi vazhdon të qëndrojë ende edhe në këtë orë në mes të shiut para godinës së Këshillit të Ministrave.
Nuk lëvizim nga vendi pa dalë Kryeministri Rama për të na dhënë përgjigje për statusin”, -thonë ish-minatorët Nikoll Gjoka dhe Mark Gjergji. Kryeministri Rama të mbajë fjalën që na ka dhënë thotë ish-grevisti Ali Caushi. (Panorama)
