Një grua vjedh majmunin nga Kopshti Zoologjik në Shkup
Kjo është vërtetë çmënduri maqedone. Një grua ka vjedhur majmunin në Shkup prej Kopshtit Zoologjik. Banorja e Kavaradit (26) ka vendosur që ta vjedh majmunin, ngase vajza e saj e vogël, çdoherë kur e ka parë atë ka qarë.
Për këtë arsye ajo së bashku me mikun e saj 31-vjeçar kanë vendosur që të vijnë në Shkup, me plan paraprak se si ta nxjerrin majmunin nga kopshti, transmeton SHENJA.
“Dje rreth orës 17:30 është paraqitur një kallëzim se dy vizitorë në Kopshtin zoologjik në Shkup kanë vjedhur një majmun. Me përdorimin e një mjeti të përshtatshëm kanë prerë disa pjesë të shtyllave të çelikut nga rrethoja e kafazit të majmunëve dhe përmes kësaj hapësire e kanë vjedhur majmunin e vogël të llojit pavian. E kishin vendosur në një thes dhe me siguri duke e kaluar derën e pasme të Kopshtit zoologjik, kanë ikur me taksi”, transmeton Alsat –M deklaratën e Liza Bendevska, zëdhënëse e MPB-së.
Vjedhësit janë arrestuar rreth orës 21:00 në Kavadar. U ishte marrë majmuni, pas çka janë lëshuar. Pasi kanë prerë rrethojnë ku ka qenë strehuar majmuni, atë e kanë futur në thes ndërsa jashtë kopshtit i ka pritur vetura taksi për të ikur.
