Bashkimi Europian e konsideron si një fillim të ri angazhimin e qeverisë së re të Maqedonisë për reformat dhe një mundësi për të avancuar në rrugën e integrimit.
Shefja e diplomacisë evropiane, Federica Mogherini tha se “jemi të kënaqur të shohim një fillim i ri për vendin., optimizëm, angazhim të fortë, që na lejon të fokusohemi në të gjitha reformat e nevojshme për qytetarët, për perspektivën europiane të vendit dhe të gjithë rajonit.”
Komisioneri Johannes Hahn, nuk e ka përjashtuar mundësinë e rekomandimit të Komisionit Europian për hapjen e negociatave të anëtarësimit me Maqedoninë para prillit 2018
“Kjo është rruga për t’a risjellë vendin në rrugën e integrimit europian. Kjo nuk është një ftesë për të shpejtuar për të kaluar legjislacionin që kërkohet në Parlament, por kjo duhet të bëhet me konsultimin e duhur.”
Zëvendëskryeministri i Maqedonisë, Bujar Osmani kë nënvizuar planin me tre faza të qeverisë së re të Maqedonisë për të zhvilluar së pari zgjedhje lokale të lira dhe besueshme për vendin, por edhe përmirësimin e zbatimit të marrëveshjes së Ohrit dhe trajtimin e çështjeve ndëretnike të mbetura pezull.
Zëvendëskryeministri i Maqedonisë, Bujar Osmani tha se “Mesazhi që përcolla sot është që do të zbatojmë planin 369, që parashikon zbatimin e masave brenda tre muajsh deri në zgjedhjet lokale në mënyrë që të mund të kemi zgjedhje të lira dhe të besueshme. Më pas do vijohet me planin gjashtëmujor dhe atë nëntëmujor për reformat. Këto plane do të zbatohen dhe ne do të trajtojmë çështje të hapura politike, përfshirë ato ndëretnike si dhe përmirësimin e zbatimit të marrëveshjes së Ohrit, që përfshin edhe ligjin e amenduar për gjuhët.”
Gjatë konferencës për shtyp, Federica Mogherini dhe komisioneri Johannes Han kanë përmendur edhe mbështetjen e Bashkimit Europian përmes procesit të Berlinit, duke veçuar financimin e linjës hekurudhore për korridorin 8 me një vlerê rreth 70 milion euro.
a.ç
