Mijëra persona po lënë qytetin e madh të Mosulit pas nisjes së ofensivës ushtarake nga qeveria irakiane për të rimarrë kontrollin e qytetit nga Shteti Islamik. Kamionë me njerëz, me viktima dhe të plagosur dolën përmes tymit të luftës, duke ikur nga vija e frontit. Moduli është qendra kryesore e ISIS në Irak. Synimi i forcave qeveritare është marrja e qytetit Ninive, provincë veriore e Mosulit.
Një numër gjithnjë e në rritje civilësh po largohen për Makhmur, ku janë ndihmuar nga forcat Peshmerga kurde. Deri më tani, 3 mijë njerëz janë larguar nga shtëpitë e tyre dhe numri rritet çdo ditë”, i tha AFP-së, një anëtar i këshillit të provincës së Ninevisë.
Ai tha se shumica e tyre do të strehohen përkohësisht në një stadium në Makhmur. Operacioni sapo ka nisur dhe qeveria e Irakut synon një ofensivë të gjerë dhe të gjatë për të rimarrë Mosulin, qyteti i dytë më i madh në vend dhe qendra më e madhe urbane e “Kalifatit”. Një predhë u hodh në një karvan, duke shkaktuar vdekjen e një vajze.
“Disa familje kanë vdekur ”, tha babai i vajzës që humbi jetën, i mbuluar nga gjaku dhe nga pluhuri. Beteja deri më tani është fokusuar në katër fshatra në perëndim të Makhmurit, një zonë që perëndim të bregut të lumit Tigër.
“Ne kemi nevojë për të hapur kampe dhe të ofrojmë ndihmë urgjente. Situata e këtyre njerëzve është shumë e keqe. Ata nuk ishin në gjendje për të marrë asgjë nga shtëpitë e tyre”, tha një zyrtar lokal. Më shumë se 3.3 milion njerëz janë zhvendosur nga konflikti në Irak që nga fillimi i vitit 2014, sipas shifrave të Kombeve të Bashkuara.