Në parlament, gjatë seancës plenare të ditës së enjte, jemi mësuar të dëgjojmë gjithfarë fjalori, të pisët, ordiner, banal, shpifje, akuza monstruoze, deklarata të papërgjegjshme që mësë shumti në fakt reflektojnmë edhe vetë formimin intelektual të deputetëve që i artikulojnë, që është për të të ardhur keq. Natyrisht që as seanca e sotme nuk mund të bënte përjashtim nga ky rregull. Ka qenë për të ardhur keq deklarata e deputeti të PD-së, Asllan Dogjani, sipas së cilës disa vajza ishin droguar në një shkollë dhe kishin përfunduar në siptal. Në fakt ato ishin helmuar nga acidi që përdoret për larjen e dyshemesë nga sanitarja e shkollës ku ato mësonin. Kanë marrë ndihmën mjekësore dhe janë në shtëpi.
Nuk arrin ta besosh se çfarë absurdi përfaqëson një deputet i tillë, i cili nxjerr nga goja gjëra të tilla në emër të luftës politike. Imagjinoni prindërit e atyre vajzave, të cilët dëgjojnë deklarata të tilla të papërgjegjshme në adresë të fëmijëve të tyre. Natyrisht që nuk përjashtohet mundësia që ndonjëra prej tyre të ketë ngrënë edhe shpulla, vetëm se një deputet në Kuvend i jep të drejtë vetes të flasë çfarë të dojë, plot ligësi, duke shpërfaqur anën më të errët edhe të formimit prindëror.
Nëse këtë ai e konsideron luftë politike ndaj qeverisë, është vërtetë për të ardhur keq për degradimin jo vetëm personal të tij, por edhe të subjektit që përfaqëson.
Armando Meta
