Është qesharake e njëherësh e dhimbshme të shohësh se si palët janë të ndarë edhe sa i takon faktit nëse duhet apo jo të çilen negociatat BE-Shqipëri. Si asnjëherë në 25 vjet demokraci, politika ka arritur të polarizohet deri aty sa të mos bien dakord as për fatin e vendit në rrugën e tij drejt BE-së.
Siç kanë qenë pozicionuar në fillim të procesit të reformës në drejtësi, janë edhe sot. Hapur, pas asnjë drojë, pa asnjë kompleks e frikë, janë ndarë si me thikë. Mazhoranca, SHBA dhe gjithë faktori ndërkombëtar në BE (Gjermania, vendet e tjera anëtare, Komisioni Europian, Këshilli Europian) janë sot pro çeljes së negociatave për anëtarësim, me kusht të vetëm zhbllokimin e Vettingut. Ndërsa PD dhe gjyqtarët e prokurorët (që ju djeg miza poshtë kësulës) janë vardisur keq kundër hapjes së rrugës drejt BE. Kjo është e vërteta e thënë me 2 fjali. Dhe kjo e vërtetë pëllet sot e 3 javë. Qëkur Merkel hodhi poshtë çdo cicërimë brenda partisë së saj dhe dha mbështetjen e Gjermanisë në 29 nëntor të këtij viti.
Ministrat e Jashtëm të vendeve anëtare ranë dje dakort me rekomandimin e bërë nga Komisioni Europian që hapja e bisedimeve për anëtarësim me Shqipërinë të bëhet në varësi të zbatimit të Reformës në Drejtësi dhe veçanërisht të ligjit për vlerësimin e gjyqtarëve dhe prokurorëve, pra Vettingut!
“Këshilli vëren pozitivisht rekomandimin e Komisionit për të hapur bisedimet e anëtarësimit më Shqipërinë, në varësi të një përparimi të besueshëm dhe të prekshëm në zbatimin e Reformës në Drejtësi, në veçanti të vlerësimit të gjyqtarëve dhe prokurorëve” thekson teksti për Shqipërinë i cili u diskutua dje nga ministrat e Jashtëm të vendeve anëtare.
Mirëpo mesa duket, mediat pranë PD, kanë mprehur majat e atyre dhe sy e veshë janë përveshur t’i mbushin mendjen poblikut se ato që thotë SHBA, BE e gjithë eksponentët e lartë në Bruksel, nuk janë të vërteta. Po bëjnë çmos që t’i bëjnë për budallenj të gjithë ata që shohin e dëgjojnë se kushti i vetëm për çelje negociatash është zhbllokimi i Vettingut.
Vettingu, vetëm kaq!
Media të cilat në fakt nuk janë aktorë, por thjeshtë dhe vetëm partizane politike që sulmojnë BE, SHBA, mazhorancën po e po, por dhe mediat e tjera. I sulmojnë duke i shërbyer gjykatësve dhe prokurorëve të zhytur në krim, të cilët mesa duket kanë para pafund për të paguar, media të cilat janë përkushtuar po aq ethshëm sa opozita për të mos lejuar zhbllokimin e Vettingut e eventualisht dhe çeljen e negociatave.
Një shërbim ky ndaj krimit dhe ndaj kasës së gjykatësve dhe prokurorëve të cilëve Vettingu ju pret të gjitha venat. Një shërbim ndaj një llumi të madh e kriminal që ka 25 vjet që masakron Shqipërinë dhe shqiptarët, e që për fat të keq, është në dorë të tyre edhe çelja e negociatave (zbllokimi i vettingut që nga Venecia u cilësuar konform Kushtetutës dhe KEDNJ). Por për këtë të fundit akoma duhet të presim vendimin e tyre, ndoshta si rrallë herë, në të mirë të vendit.
Shërbimi që disa media po i bëjnë linjës së mosçeljes së negociatave është në fakt një shërbim që po ja bëjnë direkt gjyqtarëve dhe prokurorëve të korruptuar, të zhytur në krim, të cilët mesa duket kanë hapur thesin e tyre të pafundëm që të luftojnë kundër të gjithëve. Dhe për të bërë populizëm kanë shpikur armikun e radhës, median, kolegët e tyre.
Pasi shpallën armik SHBA-në, BE-në, Merkelin e gjithë faktorin ndërkombëtar që tha se “Shqipëria ka bërë progress të dukshëm në shumë fusha jetike për integrimin dhe se lufta ndaj korrupsionit, krimit, drogës ështe një luftë që Shqipëria po e intensifikon por që ështe luftë që vazhdon në gjithë botën”, kanë gjetur një armik të ri. Ndoshta ky është synimi i krimit, prokurorëve, politikanëve e gjyqtarëve të frikësuar në palcë, që t’i mbyllë gojën medias të pasqyrojë ca të vërteta që duhet të jesh më shumë se i verbër që të mos i shohësh./Lexo.al
