Presidenti Bujar Nishani ishte personi që negocioi dy tryeza dialogu mes kryeministrit Edi Rama dhe liderit të opozitës Lulzim Basha për të gjetur një zgjidhje të përbashkët që të conte në daljen e opozitës nga protesta dhe futjen e saj në zgjedhjet e përgjithshme parlamentare të 18 qershorit.
Në ato pak momente të takimit të tyre në ambientet e presidencës që u lejuan të filmojnë kamerat e televizioneve, liderët politikë u dukën të ftohtë aq sa ‘vjedhurazi’ hidhnin shikime ndaj njëri-tjetrit. I ftuar në emisionin “Komiteti” të gazetarit Berat Buzhala, presidenti Nishani thotë se Rama dhe Basha kanë biseduar me njëri-tjetrin pavarësisht se ata i kanë qëndruar striktë pozicioneve të tyre. Rama ka këmbëngulur në kushtet e tij për daljen nga kriza, e Basha në kërkesën më kryesore, largimin e kryeministrit nga pushteti.
Negociatorë të fortë i vlerëson Nishani në këtë betejë politike – por duke mbajtur qëndrimet e tyre.
Megjithatë, sipas kreut të shtetit, do duhej që mazhoranca të tregohej më tolerante.
Nishani tregon se vijon të mbajë ende komunikim me të dyja palët dhe se shpreson që të ketë një takim të tretë mes Ramës dhe Bashës. Ai rrëfen se përveç vullnetit të tij si kryetar shteti, për rolin e tij negociues kanë ndikuar edhe ndërkombëtar.
c.a
