Ka nisur takimi në mes të tri partive të opozitës, Vetëvendosje, AAK e Nisma për Kosovën, në zyrat e Lëvizjes Vetëvendosje. Në takim nuk ka ardhur lideri i Nismës, Fatmir Limaj
Partitë opozitare VV, AAK e Nisma kanë filluar takimin e tyre të përbashkët për të biseduar për veprimet e mëtejme që do t’i ndërmarrin për kundërshtimin e marrëveshjeve për Asociacionin dhe Demarkacionin. Në këtë takim, mungon lideri i Nisma-s, Fatmir Limaj, i cili gjendej në seancën gjyqësore për MTPT-në. Në këtë takim pritet të diskutohet edhe për vizitën e Sekretarit të Shtetit John Kerry, pasi që ai ka dhënë mesazhe për ta ndalur bllokimin e Kuvendit.
