Shpërblimet e fundvitit, prej 3 mijë lekë për pensionistët , do të nisin këtë të premte me ata që kanë datën e pensionit.
“Të premten fillon shpërndarja e këtij shpërblimi”, thotë Astrit Hodaj, drejtor i ISHS.
Sipas drejtorit të Postës Shqiptare, Laert Duraj, këtë vit janë marrë masa që të mos krijohen radhë nëpër sportele, pasi të ketë një grafik për shpërndarjen e tyre.
“Periudha në të cilat pjesa më e madhe do të marrë shpërblimet do të ketë 12 ditë kohë kalendarike. Do të ketë mundësi që të përfitojnë të gjithë pa radhë. Duke filluar nga 15 dhjetori do të fillojnë të tërheqin ata që kanë radhë dhe ata që e kanë marrë në datën 1 dhjetor dhe kështu do të vazhdohet”, thotë drejtori i Postës.
Por ata pensionistë, të cilët për arsye të ndryshme nuk arrijnë të marrin shpërblimin brenda vitit 2017 do të mund ta marrin atë edhe në muajt në vazhdim të Vitit të Ri.
Grafiku i pagesave
Pagesa e Shpërblimit do të kryhet në qendrat paguese të pensioneve në të gjithë vendin duke filluar nga data 15 deri me datë 30.12.2017, si më poshtë:
• Më datë 15 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 1 dhjetor 2017.
• Në datën 18 dhjetor do te tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 4 dhjetor.
• Në datën 19 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 5 dhjetor.
• Në datën 20 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 6 dhjetor.
• Në datën 21 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 7 dhjetor.
• Në datën 22 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 8 dhjetor.
• Në datën 25 dhjetor do të tërheqin shpërblimin pensionistët qe tërheqin pensionin në këtë datë dhe ata që e kanë tërhequr pensionin në datën 11 dhjetor.
• Në datën 26 dhjetor do të tërheqin shpërblimin pensionistët që tërheqin pensionin në ketë datë dhe ata që e kane tërhequr pensionin në datën 12 dhjetor.
• Në datën 27 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 13 dhjetor.
• Në datën 28 dhjetor do të tërheqin shpërblimin pensionistët që tërheqin pensionin në në këtë datë dhe ata që e kanë tërhequr pensionin në datën 14 dhjetor.
• Në datën 29 dhjetor do të tërheqin shpërblimin pensionistët që tërheqin pensionin në këtë datë dhe raste te tjera që nuk janë paguar sipas grafikut në ditët më përpara.
• Për pensionistët që e tërheqin pensionin në zyrat postare në fshatra, shpërblimi do të paguhet sipas datave të pagesës së pensioneve, duke filluar nga data 20 dhjetor e në vazhdim.
a.ç
