Komisioni i Rithemelimit të Partisë Demokratike dërgon në gjykatë për regjistrim statutin e ri . Bëhet fjalë për ndryshimet e miratuara në Kuvendin e 11 Dhjetorit, të mbajtur në “Air Albania”.
Ky vendim vjen vetëm dy ditë pasi Lulzim Basha depozitoi në gjykatë statutin e ndryshuar në Kuvendin e Partisë Demokratike në 17 korrik.
Të dyja palët kërkojnë miratimin e statuteve të dorëzuara, por do të jetë gjykata ajo që do të caktojë se cili është legjitim.
Me përplasjen në Gjykatë rreth statutit duket se ka nisur përballja ligjore mes Berishës dhe Bashës.
Ndryshimet kryesore në statut:
Votimet primare, kandidatët për Parlamentin dhe organet vendore kanë të drejtë t’i zgjedhin anëtarët
Referendumi, vendime të rëndësishme do merren nga anëtarësia.
Për të garantuar dhe forcuar lirinë e fjalës, fusim në statut fraksionet, partia bëhet më e madhe duke u bashkuar dhe jo duke u ndarë.
Kryetari që humb zgjedhjet, pavarësisht arsyes i mbaron mandati menjëherë. Ky mekanizëm rrëzon kultin e individit.
Organizatat partnere, përveç lidhjes së gruas dhe të FRPD është shtuar dhe grupi Dhjetor 90’, të cilat do të kenë kuota më të mëdha dhe më shumë liri.
Logot dhe simbole janë shumë të rëndësishme. Me këtë statut ndryshon log, vula e kryetarit të PD, vula që ka kryetari deri sot nuk do të ketë vlerë nesër.
Të gjithë organet do të futen në një garë dhe në një ristrukturim për t’u përgatitu për një opozitë të vërtetë.
Ne propozojmë që me statut, që të ngrihet një komision i përkohshëm me figura dhe me autoritet. Ky organ do të garantoj deri në një fazë të dytë, kur të zgjidhet kryetari i ri dhe organet e reja.
/javanews/a.r
