Partia Bashkimi për të Drejtat e Njeriut duket se është drejt divorcit përfundimtar me koalicionin qeverisës. Pas daljes së saj e vetme në zgjedhjet vendore të këtij viti, PBDNJ kandidon për disa bashki, figura që janë pjesë e qeverisë, ç’ka do t’i detyrojë ata që të japin dorëheqjen nga ky post. I tillë është edhe Jani Babi, i cili është konfirmuar zyrtarisht si kandidat për Bashkinë Finiq.
Babi mban postin e zv.ministrit të Bujqësisë që prej krijimit të kabinetit qeverisës në shtator të vitit 2013. Me largimin e figurave si zëvendësministra apo drejtorë dhe me garimin si forcë politike e vetme të PBDNJ, duket e pamundur që Babi të zëvendësohet në ministri nga një propozim tjetër i Dules.
Konfirmimi për kandidimin e Babit u bë i ditur zyrtarisht zot nga partia në fjalë, ecila gjithashtu deklaroi edhe emra të tjerë për bashkitë ku kjo forcë politike pretendon se ka një elektorat të konsiderueshëm.
Kështu, PBDNJ ka propozuar Fredi Beleri për Bashkinë Himarë, Kosta Zizo për Dropullin dhe në Delvinë do të garojë Lart Stefanidh. Zyra e shtypit të PBDNJ bën me dije se në Konispol konfirmohet Anastas Guta.
Pas largimit të zëvendësministrave tashmë pritet edhe shkarkimi i Dules nga posti i nënkryetarit të Kuvendit, post ky që mbahej nga drejtuesi i PBDNJ edhe pse vetëm me një deputet në Kuvend, atë vetë.
