Një epokë e re astrologjike është në prag, me ndikim të fuqishëm e ndryshime rrënjësore. Në parashikimin e javës në “Rudina” në Tv Klan, Meri Shehu paralajmëron se me datën 24 që Saturni kalon në Dash, do të na duhet të mundohemi ca më shumë. Saturni, i cili është planeti i rregullit dhe disiplinës vendoset në një shenjë kardinale si Dashi, e cila ka në thelb iniciativën dhe energjinë.
Kjo do të thotë se ritmi do të ngadalësohet paksa, do të marrim më shumë kohë për vendimet dhe ky planet do të jetë një “dorë e hekurt”. Ndikimi më i fortë do të jetë te Dashi dhe shenjat e tjera kardinale si Gaforrja, Peshorja dhe Bricjapi.
Meri Shehu: Çfarë jave e fuqishme që është sepse Saturni përfundimisht pas 3 vjetësh qëndrimi në Peshk kalon në datën 24 në shenjën e Dashit. Kjo do të thotë që ngrihet një tabelë shumë e fuqishme për shenjën e Dashit, Gaforres, Bricjapit dhe Peshores, është si një tabelë polici që i drejton në rrugëtimet e tyre. Duke qenë se Dashi është shenjë kardinale, shumë e rrëmbyeshme, shumë energjike futet një lloj serioziteti që do t’i lërë të ndalur në kohë, si një film që fillon dhe nuk ecën sipas ritmit të tyre. Shenjave do t’u marrë më shumë kohë për të vendosur, do të vërë shumë rregulla, seriozitet, ndonjëherë do të vërë diktatin e vet që kjo gjë nuk do të bëhet nëse nuk e them unë ose nuk është në rregull, ka një lloj ashpërsie, një lloj ligji të fortë pa të cilin nuk mund të bëjmë dot gjë. Do të ndikojë në çështje sociale shumë të rëndësishme dhe në çështje shëndetësore që do të prekë te Dashi shumë.
Dashi – 3 yje
Jemi afër një kombinimi të bukur të Afërditës në shenjën e tyre me Marsin në Luan dhe mund të jetë një javë erotike, por futet Saturni në shenjën e tyre dhe Dashi bën një lëvizje më mbrapa ose do të kërkojë më shumë kohë të marrë një vendim. Futet një rregull, dominancë, përgjegjësi e madhe. Në çështjet shëndetësore duhet të kenë kujdes nga sëmundjet e lëkurës, dhimbjet e kokës, aksidentet, trombozat.
Demi – 3 yje
Do ta kenë me proces psikologjik futjen e Saturnit në Dash që do të jetë shumë i fuqishëm për këtë 3-vjeçar, do të merren shumë me botën e tyre, të rregullojnë kaosin që ka ndodhur me Uranin në shenjën e tyre, ka 7 vjet që janë në një kaos, sa ndryshon një gjë, s’ka asgjë stabël dhe Saturni vjen për ta rregulluar kaosin e brendshëm psikologjik. Do të jetë një periudhë e vështirë dhe vendimmarrje të vështira për Demët. Këtë javë do të kenë ndryshime ekonomike të mira.
Binjakët – 2 yje
Parapërgatiten për hënën e re në shenjën e tyre por do të ndikohen fuqishëm nga futja e Saturnit në Dash ku Binjakët do të pozicionohen në një përgjegjësi ose do të mbajnë një anë. Nuk do të luajnë dot me dy porta dhe do të luajnë vetëm me një drejtim.
Gaforrja – 4 yje
Do të ndikohen fuqishëm nga Saturni në Dash, mund të vënë diktatin e tyre, mund të fillojnë një punë me shumë përgjegjësi, mund të jetë edhe shumë e vështirë, të bëhen diktatorë të punës ose marrëdhënies së tyre ose të bëjnë një martesë shumë të fuqishme apo të planifikojnë një gjë që do të shihet, adhurohet dhe do të ketë përgjegjësi të mëdha. Do të kenë një ndryshim të madh në jetën e tyre dhe do të vendoset në një prizëm shumë të ndryshëm nga ai që është tani.
Luani – 3 yje
Kanë ndikim në çështjet ligjore, pra ata që duan të udhëtojnë, të studiojnë jashtë mund të marrin një vendim të prerë e të bukur, por udhëtimi i tyre do të jetë me shumë përgjegjësi. Çdo detaj do të kontrollohet jashtë mase mirë dhe do të kenë një polic në rrugën e tyre. Një gabim i vogël, një dokument do të jetë i vështirë, kujdes në çështjet ligjore.
Virgjëresha – 4 yje
Do të përpiqen që nga mesi i kësaj jave të rregullojnë borxhe, para të prapambetura për të marrë, detyrime që kanë ndaj pasurive të patundshme, trashëgimi. Do të duan të rregullojnë gjërat që kanë ngelur në kohë, shitblerje, prapaskena që janë bërë me njerëz të ndryshëm që duan t’i sqarojnë.
Peshorja – 2 yje
Do të marrin shumë përgjegjësi sa u përket bashkëpunimeve, marrëdhënieve me të tjerët, do të kenë antagonizëm në jetën e tyre, përballje shumë të fuqishme, por edhe marrje përgjegjësish që shkojnë në martesa ose më shumë na sa kanë menduar deri më tani. Do të kuptojnë sa mundet partneri ose bashkëpunëtori përballë që të durojë këtë veprimtari ose një punë të vështirë që kanë me ta.
Akrepi – 1 yll
Jemi përballë hënës së re dhe duhet të kuptojnë mirë me intuitë një ndryshim të madh në çështjet ekonomike. Futja e Saturnit në Dash do të thotë që duhet të marrin seriozisht një çështje pune, një kontratë, një mundësi që mund të mbartë shumë përgjegjësi në kohë, por nuk duhet ta marrin në mënyrë të menjëhershme. Duhet ta studiojnë mirë propozimin para se ta marrin.
Shigjetari – 3 yje
Shigjetari më aventurier do të fillojë të mendojë për një marrëdhënie më të sigurt, më të qetë, më të stabilizuar dhe do të kërkojë një njeri që ia jep këtë mundësi apo të zgjedhë me kë do të përfundojë. Mund të mendojë për një ndarje nga një marrëdhënie që nuk ka shkuar shumë mirë. Do të shkojnë shumë mirë në fushën e talenteve.
Bricjapi – 2 yje
Do të kenë një goditje të çuditshme, do të bëhen gati të mendojnë të blejnë një shtëpi, të krijojnë një bazë tyren ose të sqarojnë marrëdhëniet familjare të ndërlikuara, të destabilizuara ose që kanë pasur konflikte dhe do të largohen nga fantazitë.
Ujori – 3 yje
E kanë me shumë fat ndikimin e Saturnit në Dash dhe po përgatiten për një 3- vjeçar shumë të fuqishëm sepse do të kenë ide të reja, të qëndrueshme, shumë marrëdhënie pozitive, do të merren shumë parasysh pozicionet dhe talentet e tyre. Do të bëjnë udhëtime dhe veprimtari të rëndësishme që s’i kanë marrë me mend që do të vijnë në jetën e tyre. Njerëzit do t’i marrin më seriozisht.
Peshqit – 2 yje
Do të bëhen gati për një finalizim të rëndësishëm sa u përket çështjeve ekonomike. Janë një shenjë që duhet patjetër të rregullojnë çështjet ekonomike, huatë, prapambetjet që mund të kenë pasur. Duhet të kenë kujdes në marrëdhëniet personale sepse del një njeri nga lista në këtë periudhë.
