Fjalën e parë përshëndetëse në nisje të Asamblesë se PS e mori Saimir Tahiri, kryetar i PS së Tiranës. Ai deklaroi se nuk ka koalicion me te rendesishem se koalicioni me shqiptaret.
Tahiri ka dhënë një mesazh të fortë elektoral, si ndaj opozitës, ashtu edhe ndaj aleatëve të koalicionit “Aleanca për Shqipërinë Europiane”.
“Mes nesh dhe atyre janë dy botë të ndryshme. Shqipëria e atyre që punojnë dhe e atyre që vetëm flasin. Jemi krenarë për çfarë kemi bërë deri më sot dhe kërkojmë ndjesë ndaj socialistëve dhe shqiptarëve për punët që nuk i kemi bërë ende. Por këto dy botë do të takohen sërish më 18 qershor, atëherë kur më shumë shqiptarë do të bashkohen për Shqipërinë që duam. Nuk ka koalicion më të rëndësishëm sesa aleanca jonë me shqiptarët”, është shprehur Tahiri.
“Ne nuk duam një koalicion për të mbledhur vota. Socialistët, bashkë me shqiptarët do të hyjnë në zgjedhje dhe do të fitojmë padiskutim. Edi Rama do të jetë sërish kryeministër pas 18 qershorit”, ka thënë më tej Tahiri, në një mesazh dukshëm dhënë aleatëve të LSI-së në koalicion.
a.ç
