Nis aksioni i pastrimit të Tiranës, Veliaj: Qytetarët të dalin e të “japin një dorë”
Ashtu siç ishte paralajmëruar, Bashkia e Tiranës ka nisur aksioni për pastrimin e qytetit. Kryebashkiaku Veliaj zgjodhi njësinë administrative të Farkës për të nisur këtë aksion.
Ai u bëri thirrje qytetarëve që të dalin të “japin një dorë” në pastrimin e kryeqytetit, ndërkohë që në disa zona në aksion është përfshirë edhe ushtria me mjetet e saj të rënda.
“U bëj thirrje të gjithë qytetarëve që të dalin. Na duhet vetëm një orë kohë e gjithësecilit prej jush për të patur një qytet më të pastër. E nisëm nga Farka dhe unë do të jem edhe në disa njësi të tjera gjatë ditës. Tirana do të ngryset më e patër seç u gdhi, por kjo nuk është e mjaftueshme. Ndaj Këshilli Bashkiak vendosi rritjen e gjobave për ndotësit”, tha Veliaj.
Redaksia Java News/ f.g
