Flet xhaxhai i 20-vjeçarit, Pavlin Preka që u vra mesditën e sotme me armë zjarri në oborrin e banesës së tij, në fshatin Guci e Re në Shkodër.
Xhaxhai Prekë Preka thotë se nuk e di arsyen se pse nipi i tij u vra, ndërsa thotë se Pavlini nuk ka pasur probleme me askënd.
Ai tha se Pavlini jetonte mes Dukagjinit dhe fshatit Guci dhe se merrej me bagëti dhe tokat së bashku me vëllanë dhe babanë e tij.
Prekë Preka: Pavlin, është djali vëllaut, e kam nip. Lajmin e kam marrë vesh para 20 minutash. E kanë vrarë, bile unë kam marrë fjalë e kanë therë te shtëpia në Guci. Asnjë problem nuk ka pasur… Jetonte me babën dhe vëllanë e vetë në Dukagjin shumicën e kohës. Në Dukagjin ka bagëti, punonte dhe tokat. Kanë ngrënë një kafshatë buke me forcim, është rritur vetëm me babanë. Hale si tërë të tjerët. E di vetë policia, s kam nevojë me i mësuar unë, shteti merr masat e veta.
