Deputetja e Partisë Socialiste, Lindita Nikolla ka folur për stuatën politike në vend. Ajo tha se duhet dialog por këtë nuk mund të bëjë presidenti pasi ai e ka humbur fuqinë për të qenë mbi palët duke u pozicionuar qartazi në krah të opozitës.
“Presidenti e humbi shansin për të qenë mbi palër duke u kontoruar qartazi si pjesë e opozitës. Aty ku janë interesat kombëtare të gjithë janë të mirëpritur për një dialog brenda kornizës kushttueses por jo për të negociuar parimet më elementare të demokracisë”, u shpreh Nikolla.
Ajo komentoi edhe reagimet e BE dhe SHBA të cilët vijnë një ditë para protestës së opozitës të njoftuar për ditën e nesërme. E ftuar në studion e Report Tv, Nikolla tha se SHBA përcakton se deputetët që kanë djegur mandatin kanë tradhëtuar elektoratin ndërkohë që thirrjen e BE për dialog e quajti një përforcim të ftesës së vazhdeshme të maxhorancës kundrejt opozitës.
“Deklarata e SHBA-ve përcakton se deputetët kanë tradhëtuar elektoratin duke lënë në mes misionin e tyre. Nuk duhen parë ndyshe ata që vijojnë këtë mision. Partnerët tanë jo vetëm ftojnë për protesta pa dhunë, por eshtë e rëndësishme të kuptohet se rrotacionin ndodh vetëm përmes proceseve elektorale.
Ftesa që është bërë për dialog nga ana e maxhorancës shihet si një detyrë për të dialoguar për çështjet thelbësore. Nuk mund të dialogohen parimet demokracisë”, tha Nikolla.
Ndërsa lidhur me protestën e nesërme Nikolla tha se thirrjet nga opozitarët janë bërë për të protestuar por sa më shumë bie imazhi i tyre në sferën politike aq më të ashpra janë thirrjet dhe sulmet politike që nxisin dhunë.
