Lindita Nikolla, e deleguar e Partisë Socialiste dhe kryesuese e listës së deputetëve në Qarkun të Lezhës, gjatë një bashkëbisedimi me banorë të Kaçinarit, theksoi se më 18 qershor vota e tyre duhet të shkojë për PS-në, për të larguar njëherë e mirë nga sistemi i drejtësisë prokurorët dhe gjykatësit e korruptuar.
“Ne do të jemi të bashkuar më 18 qershor, sepse kjo na duhet për Shqipërinë dhe për Mirditën që duam. Ne duhet të largojmë nga sistemi i drejtësisë prokurorët dhe gjykatësit e korruptuar për të mundësuar një drejtësi që jep drejtësi, dhe që është kyçi i gjitha punëve të tjera në çdo sektor”, u shpreh Nikolla.
Duke ju drejtuar banorëve të Kaçinarit ajo tha se secili nga ju mund të dëshmojë sesi ka pritur drejtësi, që në fakt i është kthyer me një padrejtësi tjetër. Për këto arsye ne duhet të ecim përpara me reformën në arsim, thesoi ajo.
Katër vite më parë ne kishim edhe 22 universitete ku shiteshin e bliheshin diploma pa shkuar fare në shkollë dhe sot fëmijët tuaj do të ishin të konkuruar nga qindra diploma që dilnin nga sekretaritë e këtyre universiteteve dhe i drejtoheshin tregut të punës.
E deleguara e qarkut të Lezhës, Lindita Nikolla, u angazhua përpara banorëve të Kaçinarit për më shumë punë dhe vijimin e mëtejshëm të reformave. Nikolla theksoi se po punohet për ndërtimin e rrugës deri në Bukmirë, një rrugë me standarde moderne.
“Jemi të angazhuar për të çuar deri në fund punimet e rrugës që çon në Kaçinar , e cila mbetet prioritare. Është e qartë se ku duhet ta orientojmë ndihmën për Kaçinarin, ndihmë e cila vjen pas besimit që ju duhet të jepni për PS me në krye Edi Ramën.”
Gjatë bashkëbisedimit me banorët e Kaçinarit e deleguara e qarkut të Lezhës, Lindita Nikolla theksoi se fëmijët e Kaçinarit tashmë mësojnë në një shkollë të re falë investimit të qeverisë shqiptare, shkollë në të cilën nuk ishte vënë dorë që prej 32 vitesh. /b.d
