Kryetari i Serbisë Tomislav Nikoliç ka përsëritur qëndrimet e veta për Kosovën duke thënë se Serbia nuk do ta njohë kurrë pavarësinë e saj, transmeton Koha.net.Ai sot është takuar me kryeministrin e Suedisë Stefan Leven, ka kumtuar kabineti i Nikoliçit, përcjell FoNet.
Duke folur për Kosovën, Nikoliç ka thënë se Kapitulli 35 është pengesë nëse ai vetëkupton njohjen e Kosovës.
“Unë e kam iniciuar bisedën me Prishtinën në nivelin më të lartë, ndërsa e gjitha ajo që është arritur me marrëveshje, sidomos formim i Asociacionit të Komunave serbe, Kosova nuk po do ta zbatojë. Për këtë, haptas, e ka përkrahjen e Perëndimit”, ka thënë Nikoliç transmeton Koha.net
Ai ka shtuar se “Serbia është vend i vogël në të cilin jeton populli i madh, i cili ka shtetin vet, historinë, traditën dhe kulturën. Nuk është e mundur heqja dorë historia një mijë vjeçare”. (b.an)
