Nga Alban Daci
Në vende me demokraci të qëndrueshme dhe funksionale, me rotacion të respektuar, janë kryesisht liderët që prodhojnë ngjarje! Ndërsa në vende ku demokracia humb funksionin e saj dhe ku zgjedhjet në të gjitha nivelet e shoqërisë duke konsideruar edhe politikën nuk garantojnë rotacionin, atëherë krijohet një situatë e pa tolerueshme dhe ngjarjet që shtjellohen krijojnë mundësinë e vetme për themeluar lidership të ri.
Mendoj se Shqipëria po përjeton momentin e dytë, ku zgjedhjet kanë humbur misionin e saj për të krijuar rotacione dhe modele serioze qeverisje. Është e vërtetë që nuk mundemi të prodhojmë përmes votës ndryshime e pritshmëritë që duam, por ngjarjet në vetvete po krijojmë kushtet që brezi i ri të marrë përgjegjësitë që i takojnë duke e konsideruar politikën në qëllimin origjinal si një mision për të përmirsuar të ardhmen e për të hedhur bazat për një të ardhme më të mirë.
Politika në Shqipëri, për fat të keq, ashtu si në shumë vende të tjera është kthyer në një spektakël të madh demagogjie, perbaltosje me të gjithat mjetet të kundërshtarit.
Për fat të keq, sot politika shqiptare nuk ka asgjë serioze as në qëndrime e as në dialektikë. Politika shqiptare nga qëllimi për të prodhuar ide dhe modele qeverisje është kthyer në një mision qesharak duke përbaltosur kundërshtarin e në njëjtën kohë sulmon çdo ditë më demagogji qytetarin dhe ky i fundit i pafuqishëm, po kupton çdo gjë dhe po zgjedhë heshtjen dhe largimin!
Shqipëria ka nevojë më shumë së kurrë që brezi i të rinjve të kuptojnë në mënyrë serioze situatën aktuale dhe të marrin përgjegjësitë që ju takojnë!
Ata të rinj që shikon mbrapa e mbajnë shpresën tek lidershipi i vjetër që ka humbur busull, nuk janë gjë tjetër veçse oportunistë mjeranë që nuk kanë besim e respekt ndaj vetes e po ashtu nuk kanë përgjegjësitë që duhet të kenë ndaj vendit.
Kam shpresë se këto ngjarje që po ndodhin që duket të pa shpresa, le të jenë të paktën një model frymëzimi që brezi i ri të marrë në dorë situatën dhe të prodhojë një lidershipi të ri në lartësinë e kërkuar ndaj vendit dhe ndaj qytetarëve.
Humbjet e zgjedhjeve nga PD nuk janë vetëm ogur i ri siç duan t’a interpretojnë drejtuesit e saj që kanë qëllim final pushtetin, por janë një sinjal domethënës për të treguar se ka ardhur moment për një lidershipi të ri!
