Një ngjarje e rëndë është shënuar në fshatin Lalar të Fierit të mërkurën që lamë pas. Policia bën me dije se një shtetase e moshës 64-vjeçe me iniciale F.V., ka ndërruar jetë pasi është goditur nga një bagëti e imët.
Goditja që gruaja mori nga dashi i kopesë, rezultoi të ishte fatale për të. Grupi hetimor dhe policia po vijojnë hetimet për zbardhjen e plotë të rrethanave të ngjarjes.
“Në datë 11.01.2023, rreth orës 15:30, në fshatin Lalar, ka ndërruar jetë shtetasja F. V., 64 vjeçe, e cila është goditur nga një bagëti e imët (dash). Materialet i kaluan Prokurorisë, për veprime të mëtejshme”, thueht në njoftimin e policisë së Fierit.
/s.f
