Menjëherë pas vizitës së bërë në Spitalin “Nënë Tereza” për të parë nga afër gjendjen e dy oficerëve të policisë të plagosur në Lazarat, kryeministri Edi Rama ka dhënë një prononcim për mediat ku theksoi se kjo është një ditë zie për të gjithë Policinë e Shtetit dhe për çdo shqiptar.
Kryeministri siguroi se ashtu siç është bërë me dije nga mjekët, dy efektivët Jetmir Isaj dhe Perlat Hamitaj janë jashtë rreziku për jetën.
Shefi i qeverisë u ndal edhe tek komentet dhe akuzat ndaj policisë, ku nënvizoi se “duhet të ndjehen vërtet keq ata që për faqen e tyre të zezë flasin me dy kuptime dhe i kërkojnë policisë duke e fajësuar.”
“Është një ditë zie për të gjithë policinë e shtetit, për të gjithë punonjësit, familjen e policisë së shtetit, besoj se çdo shqiptar, çdo familje shqiptare që vlerëson ndershmërinë, kuarjon, shërbimin e policisë së shtetit, sot ka zi. Ndërkohë që duke i shprehur ngushëllimet më vllazërrore familjes së atij që nuk arriti dot ti mbijoteonte kësaj barbarie, e duke shprehur dhe sigurinë e mjekëve që dy të tjerët janë plotësisht jashtë rrezikut për jetën dua që të nënvizoj se duhet të ndjehen vërtet keq ata që për faqen e tyre të zezë edhe në këtë moment që policia është në fushën e betejës me një grup vrasësish flasin me dy kuptime dhe i kërkojnë policisë e duke e fajësuar. Paçin faqen më te zezë.” theksoi Rama
Kryeministri ishte i shoqëruar në këtë vizitë në spital nga Ministri i Shëndetësisë Ilir Beqaj dhe Ministri i Brendshëm Saimir Tahiri
