Një ngjarje e rëndë ka ndodhur në fshatin Çollopek të komunës së Bërvinicës në Tetovë ku janë vrarë 2 persona dhe 2 të tjerë janë plagosur.
Mediat e shtetit fqinj shkruajnë se shkak për ngjarjen dyshohet të ketë qenë një sherr për vendparkimin por dyshohet se personat e përfshirë kanë pasur mosmarrëveshje edhe më herët me njëri tjetrin.
Sipas mediave vendase, shkak është bërë një zënkë për vendparkimin, ku një 60-vjeçar ka vrarë djalin e xhaxhait me nusen dhe ka plagosur të birin e tyre.
Sakaq, sipas policisë, 60-vjeçari ka plagosur më pas dhe veten. Raportohet se ata janë dërguar menjëherë në spitalin klinik të Tetovës.
“Zyrtarët policor të SPB Tetovë kanë ndaluar 60 vjeçarin me inicialet I.I nga ky fshat, pas një njoftimi se në ora 14.00 me armë zjarri ka vrarë dy familjarë të tij dhe një ka plagosur.
Edhe dorasi po ashtu ka mbetur i plagosur të shkaktuara nga armë zjarri. Po ndërmerren masa për zbardhjen e plotë të rastit”, informoi zëdhënësi i SPB Tetovë, Marjan Josifovski.
Ndërkohë, policia dhe grupi hetimor ndodhen në vendngjarje, ku po punojnë për zbardhjen e plotë të ngjarjes./m.j
