Kombëtarja shqiptare ka nisur përgatitjet për ndeshjen play-off të kampionatit Botëror kundër Polonisë. Atmosfera në kampin kuqezi është e jashtëzakonshme, me mbrojtësin Elseid Hysaj që konfirmon karikimin e skuadrës para kësaj sfide tepër të rëndësishme.
“Tani e kemi në dorë ne që të tregojmë që ia vlen. Kërkojmë që të gjejmë edhe një Botëror për Shqipërinë, sepse duhet t’ia falim Shqipërisë. Të gjithë jemi të kënaqur që kemi arritur play-off. Kjo mundësi kemi, është një ëndërr që herë realizohet herë jo, por ne duhet të besojmë.
Tani është ndeshje e rëndësishme, pastaj është ndeshja e jetës”, tha Elseid Hysaj, futbollist i kombëtares.
Për Qazim Laçin, sakrificat e bëra në fushën e lojës duhet të shpërblehen me kualifikimin në Kupën e Botës 2026.
“Detajet e vogla bëjnë diferencën, mënyra si ne futemi në lojë. Ne do futemi në ndeshje nga minuta e parë, që ta mbarojmë ndeshjen sa më shpejt”, tha Qazim Laçi, futbollist i kombëtares.
Kombëtarja shqiptare do të zhvillojë seanca stërvitore në Tiranë, teksa më pas, të mërkurën do të udhëtojë drejt Varshavës.
