Eksperti i Kriminalistikës, Ervin Karamuço ka reaguar në rrjetet sociale pas incidentit që ndodhi mbrëmjen e kaluar në Uzinën ushtarake në Gramsh, ku dy shtetas rusë dhe një ukrainas tentuan të futeshin në bazë dhe sulmuan me spraj dy ushtarakët.
Karamuço shkruan se këtë ngjarje e ka paralajmëruar para 4 muajsh.
Reagimi i plotë:
Përpara 4 muajsh paralajmërova rrezikun rus të inteligjencës me mbulim turistik. Kanë vite që e bëjnë në vendin tonë dhe nuk ishte shumë e vështirë ta parashikoje. Kërkova gatishmëri dhe vigjilencë institucionale dhe publike. Disa menduan për konspiracion, të tjerë për imagjinatë të shtuar profesionale.
Gjithsesi që mbrëmë ka shumë dhimbje koke në Kremlin. Lavrovi e pati shumë të lehtë ta kthente në shtëpi “asetin” Lana nga Egjypti. Me Tiranën zyrtare mbase do ta ketë më të vështirë. Diplomacia dhe gjyqësori jonë janë para një sprove të fortë…
Beje ekspertin kriminalist zotri, pasi inteligjenca eshte nje fushe ku ti ke disa dije e njohuri te pergjitheshme! Mundesia per te komunikuar me publikun nga disa, nuk do te thote se jane kompetent per gjithcka! Eshte njelloje sikur une te paralajmeroj kamuflimin e agjenteve rus ne grupe kulturore/sportive/bisnesi/mediatike etj!